مشترياتي 1 | first Haul

السلام عليكم ..

 اليوم رح فرجيكم مشترياتي بالفترة الأخيرة هني شوي مو كتير،أنا إنسانة كتير بحب أشوف فيديوهات وبوستات المشتريات فقررت إني انزل عن المشتريات ، فبتمنى تحبوا التدوينة .

-------------------------------------------------------------------------------------

أول شي مشترياتي من الدرق ستور، كانوا سنتربوينت وستي ماكس عاملين تخفيضات عالميك اب فلحقت وشريت كم شغلة لأنو أغلب الأشياء كانت مخلصة ، رح أبدأ بسنتربوينت شريت الفاونديشن من بورجوا أنا كان بدي النوع التاني الهيلثي ميكس سيروم بس مالقيتو فشريت هاد ، أنا شريتوا قبل فترة التخفيضات وكان سعره 97 ريال سعودي ، جربتوا أكتر من مرة وحاببتوا لهلأ، وكمان من سنتربونت من ميبلين من مجموعة البولد مات شريت هاد اللون صاير لحمي على وردي كيتر حلو بالدرجة 7 Mat.

ومن سيتي ماكس أخدت الكونسيلر من ريميل سمعت ناس حبتوا فحبيت أجربو ، و كمان من نوع الحمر اللي نازل جديد من ميبلين كلر دراما كان خاطري بأكتر من واحد بس الدرجات الباقية المتوفرة ماحبيتها أخدت بس هاد اللون بالدرجة 210 keep it classy ، وأخدت المحددين من ريميل اللي بكونوا خشب مو النوع التاني اللي بينلف، ترى الدرجتين مختلفتين بس بالصورة مبينين بيشبهوا بعض أول واحد بالدرجة tiramisu 050 هاي الدرجة سمعت كتير الناس حكت عنها كتير كتير حلوة صايرة لحمي مايل عالبني بتناسب كتير بشرات وبتستخدم مع كتير حمر، تاني واحد بالدرجة wild clover 014 لونها طبيعي كمان صايرة لحمي مايل للمشمشي وبحس فيو شوية بني بعرف الوصف مو مفهوم بس بتمنى تفهموا ههههه اللون كمان حلو وطبيعي وبناسب كتير بشرات ، هاد كلشي للدرق ستور.

-------------------------------------------------------------------------------------

تاني شي مشترياتي من سيفورا بس شريت شغلتين، أول شي قلم الكحل من ماركة سيفورا أنا من زمان بدي كحل بني مطفي مشان استخدمو مع اللوكات الناعمة لأنو البني أخف من الأسود أكيد فلقيت هاد من سيفورا بالرقم 13 tiramisu  ،وتاني شي هدول البف أنا مابستخدمهم لأوزع باودر أو شي أنا بحب وقت أكون عم أحط ميك اب أحط البف على على أصبعتي الصغيرة مشان أصابعي ماتطبع على الفاونديشن لأني غالبا بحط الفاونديشن قبل ما أسوي العيون ، وهاي بالنسبة لمشترياتي من سيفورا.

------------------------------------------------------------------------------------------

تالت شي والاخير هالأشياء شريتها من تاجرة اسم التاجرة عالانستغرام  ( Dolla.store ) ، شريت أشياء من كولور بوب وأخيرااااااا ، شريت هاي المجموعة حبيتها لأنو ألوانها ممكن استخدمها كتير لأنها ترابيات وفيها ذهبي كمان اسم المجموعة

 where the light is ، وشريت بلشر من كولور بوب مطفي بالدرجة between the sheets رح أسوي ان شاء الله تدوينة كاملة بعدين عن أشياء كولور بوب ، وآخر شي الحمرة من جيرارد بالدرجة 1995 هالدرجة كتير انشهرت لونها كتييييير حلو صاير بني وفيو اندرتون وردي هاد كلشي شريتو من التاجرة.

--------------------------------------------------------------------------------

بتمنى تكونوا حبيتوا البوست ولو حبيتوه قولولي بالكومنتس أو بالانستغرام لحتى أنزل كل فترة عن مشترياتي 

وشكرااا وبااااااي